Наука и инновации 4-jild vation-son (2026) · 56–59-betlar

OILA VA OILAVIY MUNOSABATLAR TUSHUNCHASINING PSIXOLOGIK MAZMUNI

Maxmudjonov, Ibroximjin, Dumarov, M.X.

DOI: 10.5281/zenodo.20228760 · Manbada o'qish → · PDF (manba serverida)

Annotatsiya

Mazkur tezisda oila va oilaviy munosabatlar tushunchasining psixologik mazmuni ilmiy-nazariy jihatdan yoritiladi. Oila shaxsning dastlabki ijtimoiylashuv muhiti, emotsional qo'llab-quvvatlash manbai, qadriyatlar, rollar va kommunikativ tajribalar shakllanadigan murakkab ijtimoiy-psixologik tizim sifatida tahlil qilinadi. Oilaviy munosabatlar esa er-xotin, ota-ona va farzand, aka-uka, opa-singil hamda avlodlararo aloqalarda namoyon bo'ladigan muloqot, mehr-muhabbat, mas'uliyat, ishonch, ziddiyatlarni boshqarish va hamkorlik jarayonlari majmui sifatida talqin etiladi. Tezisda mavzuning dolzarbligi O'zbekistonda oila institutini mustahkamlash, xotin-qizlar va bolalar huquqlarini himoya qilish, mahalla tizimi orqali oilalarga psixologik-ijtimoiy ko'mak ko'rsatish borasidagi islohotlar bilan bog'liq holda asoslanadi. Yangi tahrirdagi Konstitutsiyada oila jamiyatning asosiy bo'g'ini sifatida e'tirof etilishi, Oila kodeksida nikoh, ota-onalik va farzand tarbiyasi munosabatlari tartibga solinishi hamda Prezident qaror va farmonlarida oilalarni qo'llab-quvvatlash vazifalari belgilanishi mavzuning amaliy ahamiyatini kuchaytiradi. Asosiy qismda oilaning tizimli, kommunikativ, emotsional va tarbiyaviy funksiyalari, oilaviy psixologik iqlimning shaxs rivojiga ta'siri, sog'lom munosabatlarni shakllantiruvchi omillar hamda nizolarni oldini olish yo'llari tahlil qilinadi.

oila, oilaviy munosabatlar, psixologik iqlim, shaxslararo muloqot, nikoh, ota-ona, farzand tarbiyasi, emotsional qo`llab-quvvatlash, oilaviy nizolar, ijtimoiylashuv.

Metadata manbasi: jurnal OAI-PMH arxivi · Sindex to'liq matnni saqlamaydi, manbaga havola beradi.