Zamonaviy dunyoda amaliy fanlar 5-jild 11-son (2026) · 52–55-betlar

SEFIKSIMNI QATTIQ DOZALANGAN SHAKLLARDA YUQORI SAMARALI SUYUQLIK XROMATOGRAFIYASI VA ULTRABINAFSHA SPEKTROFOTOMETRIYA USULLARI YORDAMIDA MIQDORIY ANIQLASH HAMDA VALIDATSIYA QILISH

Zokirjonov, Asilbek

DOI: 10.5281/zenodo.20454542 · Manbada o'qish → · PDF (manba serverida)

Annotatsiya

Ushbu tadqiqotda uchinchi avlod sefalosporin antibiotigi sefiksimni qattiq dozalangan shakllarda aniqlash uchun teskari fazali yuqori samarali suyuqlik xromatografiyasi (TF-YuSSX) hamda ultrabinafsha spektrofotometriya (UBS) usullari ishlab chiqildi va ICH Q2(R1) talablari asosida validatsiya qilindi. Xromatografik tahlil Agilent Zorbax SB-C18 (150 × 4.6 mm, 5 µm) kolonkasida asetonitril–kaliy digidrofosfat buferi mobil fazasida (28:72, v/v; pH 6.80) 288 nm da amalga oshirildi. Sefiksimning ushlanish vaqti 5.46 ± 0.03 min ni tashkil qildi. YuSSX usuli uchun chiziqlilik diapazoni 0.5–40.0 µg/ml (r² = 0.99975) bo’lib, LOD va LOQ qiymatlari mos ravishda 0.06 va 0.19 µg/ml ni tashkil qildi. UBS usulida λmax = 288 nm da chiziqlilik 2.0–80.0 µg/ml (r² = 0.99931), LOD = 0.31 µg/ml va LOQ = 0.95 µg/ml ekanligi aniqlandi. Ikkala usul uchun tiklanish 98.4–101.6% va takroriylik RSD < 2.0% darajasida qayd etildi. Tijorat preparati (200 mg sefiksim/tabletka) tahlilida miqdor YuSSX bo’yicha 99.42 ± 0.69% va UBS bo’yicha 99.15 ± 1.41% ni tashkil qildi va deklaratsiya qilingan qiymatlar bilan statistik jihatdan mos keldi (p > 0.05). Olingan natijalar ishlab chiqilgan usullarning antibiotiklar sifat nazorati uchun sezgir, aniq va ishonchli ekanligini tasdiqlaydi.

sefiksim; sefalosporin; antibiotik; teskari fazali YuSSX; ultrabinafsha spektrofotometriya; analitik validatsiya; ICH Q2(R1); LOD; LOQ.

Metadata manbasi: jurnal OAI-PMH arxivi · Sindex to'liq matnni saqlamaydi, manbaga havola beradi.