Педиатрия 1-san (2026) · 109-115-betler
ШИФОХОНАДАН ТАШҚАРИ ЗОТИЛЖАМ БИЛАН КАСАЛЛАНГАН БОЛАЛАРДА ДАВОЛАШ ЖАРАЁНИДА ҚИЗИЛ ҚОН КЎРСАТКИЧЛАРИНИНГ ДИНАМИКАСИ
Muminova D.A., Aliyeva N.R., Daminova L.T., Yakubova D.M.
Annotaciya
Зотилжам — бу ўткир инфекцион касаллик бўлиб, турли сабабларга эга бўлиши мумкин ва альвеолаларда экссудат тўпланиши билан характерланади. Касалликда кучли интоксикация, нафас олишда бузилишлар, ўпкани текширишда маҳаллий ўзгаришлар ва кўкрак рентгенографиясида инфильтрат сояларининг пайдо бўлиши кузатилади.Тадқиқот мақсади.Шифохонадан ташқари зотилжам билан касалланган болаларда даволаш натижаси қизил қон (эритроцитлар) кўрсаткичларининг ўзгариш динамикасини ўрганиш ва даволаш самарадорлигини баҳолаш.Материаллар ва усуллар.Тадқиқотга жами 120 нафар 3–7 ёшли шифохонадан ташқари зотилжам ташхиси билан касалланган болалар жалб қилинди. Назорат гуруҳи сифатида 20 нафар соғлом болалар олинди.Болаларнинг ўртача ёши 5,6±1,7 ёшни ташкил этади. Барча бемор болалар даволаш услубига кўра икки гуруҳга тақсимланди: 1-гуруҳ (НАЦ–, n=60) — стандарт терапия, 2-гуруҳ (НАЦ+, n=60) — стандарт терапияга қўшимча равишда N-ацетилцистеин киритилган терапия.Натижалар ва муҳокама. Жами 96 беморда (80%) анемия ҳолати аниқланган бўлиб, уларнинг 77 нафари (80,2%) енгил даражали, 19 нафари (19,8%) ўртача оғирликдаги анемияга эга эканлиги аниқланган. Даволаш жараёнида 10–14-кунларда кўплаб кўрсаткичларда умумий ҳолатни яхшилаш натижасида айрим ўзгаришлар кузатилди: қон ранг кўрсаткичи назорат даражасига яқинлашди, бироқ бошқа кўрсаткичларда ҳали ҳам соғлом гуруҳ кўрсаткичларидан сезиларли даражада фарқ аникланди. НАЦ– ва НАЦ+ гуруҳлар бўйича таҳлил шуни кўрсатдики, N-ацетилцистеин қўлланишига кўра болаларда кўрсаткичларнинг абсолют қийматларида сезиларли фарқ аниқланмади. Бироқ N-ацетилцистеин олувчи гуруҳда кўрсаткичлардаги нисбий ўзгаришлар аниқроқ акс этган.Хулоса.Тадқиқот натижалари кўрсатдики, зотилжам билан касалланган болаларда N-ацетилцистеин қўлланишига кўра гуруҳларни таққослаганда эритроцит кўрсаткичларининг абсолют қийматларида муҳим фарқлар аниқланмади. Лекин N-ацетилцистеин олувчи гуруҳда нисбий кўрсаткичларда сезиларли динамика кузатилди.
Metadata derekkózi: jurnal OAI-PMH arxivi · Sindex tolıq mátindi saqlamaydı, derekkózge silteme beredi.