Хорижий лингвистика ва лингводидактика 4-jild 4-son (2026) · 168-173-betlar
OG‘ZAKI NUTQNI RIVOJLANTIRISHDA INTERFAOL METODLARNING PEDAGOGIK IMKONIYATLARI
Karimova, Dilorom, Каримова, Дилором, Karimova, Dilorom
Annotatsiya
Ushbu maqolada boshlang‘ich sinf o‘quvchilarining og‘zaki nutqini rivojlantirishda interfaol metodlardan foydalanishning pedagogik imkoniyatlari yoritiladi. Og‘zaki nutq o‘quvchining fikrlash, idrok etish, muloqotga kirishish, o‘z munosabatini ifodalash va ijtimoiy tajriba orttirish jarayoni bilan uzviy bog‘liq bo‘lgan murakkab nutqiy faoliyat sifatida talqin qilinadi. Maqolada interfaol metodlarning an’anaviy o‘qitish usullaridan farqi, o‘quvchilar nutqiy faolligini oshirishdagi o‘rni, dialogik va monologik nutqni rivojlantirishga ta’siri hamda o‘quv jarayonida erkin muloqot muhitini yaratishdagi ahamiyati tahlil qilinadi. Tadqiqotda suhbat, munozara, “aqliy hujum”, rolli o‘yin, kichik guruhlarda ishlash, klaster, insert, keys-stadi va vaziyatli topshiriqlar kabi interfaol metodlarning boshlang‘ich ta’lim sharoitida og‘zaki nutqni rivojlantirishdagi samaradorligi asoslab beriladi. Natijalar interfaol metodlar o‘quvchilarda mustaqil fikrlash, fikrni izchil bayon qilish, savol berish, javobni asoslash va suhbatdosh fikriga munosabat bildirish ko‘nikmalarini rivojlantirishda muhim pedagogik vosita ekanini ko‘rsatadi.
og‘zaki nutq, interfaol metodlar, boshlang‘ich ta’lim, nutqiy faollik, dialogik nutq, monologik nutq, kommunikativ kompetensiya, muloqot madaniyati, pedagogik imkoniyat.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.