Marketing 4-son (2024) · 110-120-betlar
OʻZBEKISTONDA ELEKTRON TOʻLOV TIZIMLARINING RIVOJLANISHI
Shaislamova Muazzamxon Raximxodjayevna
Annotatsiya
Oʻzbekistonda elektron toʻlov tizimlarining shiddat bilan rivojlanayotganligini kundalik hayotimiz misolida ham aytishimiz mumkin. Bugungi kunga kelib barcha xizmat turlariga qoʻllaniladigan toʻlovlarni elektron tarzda amalga oshirish eng qulay va samarali usuldir. Elektron toʻlovlardan foydalanish oflayn mijozlarga xizmat koʻrsatish va qogʻozbozlikning kamayishi hisobiga samaradorlikni oshiradi va xarajatlarni kamaytiradi. Toʻlovlarni elektron tarzda amalga oshirishda toʻlov tizimlari (toʻlov operatorlari) dan foydalangan holda amalga oshiriladi. 2020 - yil 5-oktyabrdagi Oʻzbekiston Respublikasi Prezidentining PF-6079-son Farmoniga muvofiq “Raqamli Oʻzbekiston – 2030” strategiyasining tasdiqlangani, Oʻzbekistonda elektron toʻlov tizimlarining rivojlanishiga turki boʻldi deb hisoblash mumkin. Sababi strategiyada toʻlovlar va toʻlov tizimlarini takomillashtirish maqsadida amalga oshirilishi kerak boʻlgan qator vazifalar keltirib oʻtilgan. Misol tariqasida Uzcard va Humo toʻlov tizimlarining integratsiyalash vazifasini keltirish mumkin. Tadqiqot Oʻzbekistonda elektron tijoratni barqaror rivojlantirish uchun mumkin boʻlgan imtiyozlarni batafsil koʻrib chiqadi.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.