«FarDU ilmiy xabarlari» 7-jild 1-son (2026)
TRIGONELLA FOENUM-GRAECUM L., ARTEMISIA ABSINTHIUM L. VA ARTEMISIA VULGARIS L. O‘SIMLIKLARI URUG‘LARI KOMPAZITSIYA NAMUNALARINING ANTIRADIKALLIK XUSUSIYATINI DPPH METODI BILAN BAHOLASH
Ismoilov, Muminjon, Xujayev, Vaxobjon, Tolipov, Xurshid
Annotatsiya
Ushbu maqolada Trigonella foenum-graecum, Artemisia absinthium va Artemisia vulgaris o‘simliklari aralashmasidan turli massa nisbatlarida (50:25:25; 60:20:20; 50:12,5:37,5; 50:37,5:12,5) tayyorlangan spirtli va suvli ekstraktlarning antiradikallik (antioksidant) faolligi DPPH (2,2-difenil-1-pikrilgidrazil) erkin radikali yordamida spektrofotometrik usulda baholandi. Tadqiqot Blois usulining modifikatsiyalangan variantiga asoslanib, 517 nm to‘lqin uzunligida nur yutilishining kamayishi orqali amalga oshirildi. Natijalar shuni ko‘rsatdiki, barcha tekshirilgan ekstraktlar DPPH erkin radikallarini ma’lum darajada ingibirlash xususiyatiga ega. Spirtli ekstraktlar orasida Trigonella–Artemisia(ab.)–Artemisia(vul.) 50:25:25 nisbatdagi namuna 100 mkl hajmda 30 daqiqada 45,93 % antiradikallik faollik namoyon etdi va uning IC₅₀ qiymati 110,51 mklni tashkil qildi. Suvli ekstraktlar ichida esa 50:12,5:37,5 nisbatdagi ekstrakt eng yuqori faollikni ko‘rsatib, 100 mkl hajmda 66,87 % DPPH radikallarini ingibirladi hamda IC₅₀ qiymati 72,54 mklga teng bo‘ldi. Olingan natijalar Trigonella–Artemisia(ab.)–Artemisia(vul.) o‘simlik aralashmalari, ayniqsa suvli ekstraktning 50:12,5:37,5 nisbatdagi varianti kuchli tabiiy antioksidant manbai sifatida farmatsevtika va nutratsevtika sohalarida istiqbolli ekanligini ko‘rsatadi.
DPPH usuliantiradikallik faollikantioksidant faolliko‘simlik ekstraktlariTrigonella foenum-graecumArtemisia absinthiumArtemisia vulgarisspirtli ekstraktsuvli ekstraktIC₅₀.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.