Agro kimyo himoya va o‘simliklar karantini (O‘simliklar himoyasi va karantini) (2026)
GOSSYPIUM HIRSUTUM L. TURIGA MANSUB “ITPITI-101” G‘O‘ZA NAVINING BIRINCHI YILGI URUG‘LIK (0,30 GA) KO‘CHATZORINI TASHKIL ETISH VA UNING SAMARADORLIGINI BAHOLASH
Ochildiyev Najmiddin, Hudaynazarov Abdurashid, Choriyeva Yulduz, Raximov Rustam
Annotatsiya
Maqolada Gossypium hirsutum L. turiga mansub “ITPITI-101” g‘o‘za navining birinchi yilgi urug‘lik (0,30 ga) ko‘chatzorini tashkil etish va uning samaradorligini baholash natijalari keltirilgan. Tadqiqotning maqsadi mazkur nav bo‘yicha birlamchi urug‘chilik tizimida nav tozaligini saqlash, morfologik va xo‘jalikka foydali belgilarining barqarorligini aniqlashdan iborat bo‘ldi. Birinchi yilgi urug‘lik (0,30 ga) ko‘chatzorida agrotexnik tadbirlar belgilangan talablar asosida amalga oshirilib, dala ko‘rigi va aprobatsiya ishlari o‘tkazildi. O‘simliklarning o‘sishi va rivojlanishi, nav tozaligi, xosildorlik hamda urug‘lik paxta sifat ko‘rsatkichlari baholandi. Birlamchi urug‘chilik jarayonida individual tanlash, morfologik aprobatsiya va dala ko‘riglarini o‘tkazish tadbirlari amalga oshirildi. Nav tozaligi 98,6-99,2 %, urug‘lik paxta hosildorligi 46,5-47,2 s/gani, urug‘lik paxta chiqimi esa gektaridan 18 sentnerni tashkil etdi. Tola chiqishi 38,5-40,2 %, tola uzunligi 37,2-38,3 mm bo‘ldi. Natijalar navning genetik barqarorligi va yuqori mahsuldorligini tasdiqlaydi. Natijalar “ITPITI-101” navining biologik xususiyatlari barqarorligi, yuqori nav tozaligi va xosildorlik salohiyatini tasdiqladi. Olingan ma’lumotlar ushbu nav bo‘yicha birlamchi urug‘chilik ishlarini samarali tashkil etish uchun ilmiy asos bo‘lib xizmat qiladi.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.