Қўқон университети хабарномаси 18-jild (2026) · 264-266-betlar
MAHSULOT NOMLARINI LINGVOMADANIY TAHLIL QILISH USULLARI
Mahmudjonov, Shohrux
Annotatsiya
Mazkur maqola mahsulot nomlarini lingvomadaniy nuqtayi nazardan tahlil qilish muammosiga bag‘ishlangan bo‘lib, ularning til va madaniyat o‘zaro ta’sirida shakllanish jarayoni ilmiy jihatdan yoritiladi. Tadqiqotda mahsulot nomlarining madaniy qadriyatlar, ijtimoiy normalar va kommunikativ ma’nolarni ifodalovchi vosita sifatidagi o‘rni ochib berilgan. Ishning dolzarbligi O‘zbekiston bozorida milliy brendlarning rivojlanishi va nomlash jarayonida lingvomadaniy omillarning yetarli darajada inobatga olinmayotgani bilan izohlanadi. Maqolaning asosiy maqsadi mahsulot nomlarini lingvomadaniy tahlil qilishda lingvistik, madaniy va marketing yondashuvlarini integratsiya qilgan kompleks metodologik modelni ishlab chiqish va uning samaradorligini asoslashdan iborat. Tadqiqot davomida leksik-semantik, kontekstual, komparativ hamda madaniy kodlarni tahlil qilish usullaridan foydalanildi. Natijalar shuni ko‘rsatadiki, milliy qadriyatlar, diniy tushunchalar va geografik nomlarga asoslangan mahsulot nomlari iste’molchilar ongida ijobiy assotsiatsiyalarni shakllantiradi va ularning bozordagi muvaffaqiyatiga ijobiy ta’sir ko‘rsatadi. Shu bilan birga, xorijiy tillardan o‘zlashtirilgan nomlarning fonetik va semantik moslashuv muammolari ham aniqlangan. Tadqiqot yakunida mahsulot nomlarini yaratishda milliy-madaniy xususiyatlarni hisobga olish, fonetik qulaylikni ta’minlash hamda lingvomadaniy tahlil usullarini amaliyotga joriy etish bo‘yicha ilmiy-amaliy tavsiyalar ishlab chiqildi. Ushbu natijalar o‘zbek tilshunosligi, marketing va brending sohalarida olib boriladigan tadqiqotlar uchun muhim ahamiyat kasb etadi. Shuningdek, mahsulot nomlarini yaratishda milliy-madaniy xususiyatlarni hisobga olish, fonetik qulaylikni ta’minlash va lingvomadaniy tahlilni amaliyotga joriy etish zarurligi asoslanadi. Ushbu natijalar tilshunoslik, marketing va brending sohalari uchun muhim ahamiyatga ega.
lingvomadaniy tahlil, mahsulot nomlari, brend nomlari, madaniy kodlar, semantik tahlil, leksik-semantik tahlil, kontekstual tahlil, komparativ tahlil, madaniyatlararo kommunikatsiya, milliy qadriyatlar, ijtimoiy normalar, lingvistik yondashuv, marketing strategiyasi, brending, fonetik moslashuv, semantik moslashuv, o‘zbek bozori
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.