Вестник Ассоциации пульмонологов Центральной Азии 13-jild 8-son (2025) · 124-129-betlar
ЮРАК ИШЕМИК КАСАЛЛИГИ БОР БЕМОРЛАРНИ СТЕНТЛАШ АМАЛИЁТИДАН КЕЙИН АНТИРОМБОТИК ТЕРАПИЯ НАТИЖАЛАРИ
Ахмедов А.Т., Ахроров Ж.Х.
Annotatsiya
Юрак ишемик касаллиги билан оғриган беморларда перкутан коронар интервенциядан кейин турли стентлар (эверолимус ва зотаролимус) ҳамда антитромбоцитар терапия (клопидогрел ва зугрел)нинг клиник самарадорлиги қиёсий баҳоланди. Гемодинамик кўрсаткичлар, миокард қисқариш функцияси, қон ивиш тизими ҳамда иммунологик маркерлар (VEGF A, TNF-α, IL-6) динамикаси таҳлил қилинди. Зугрел қўлланган беморларда систолик ва диастолик қон босими ҳамда юрак уриш частотаси клопидогрелга нисбатан ишончли равишда барқарорлашди (p<0,05). ЭхоКГ натижаларига кўра, зугрел фонида гипокинез ва акинез улуши камайиб, нормокинез кўрсаткичи сезиларли ошди. Коагулограммада ПТВ қисқариши, АЧТВ узайиши, фибриноген ва D-димер даражасининг пасайиши кузатилди, бу қон ивиш тизимининг физиологик мувозанатга қайтишини кўрсатди. Иммунологик таҳлилларда зугрел VEGF A, TNF-α ва IL-6 кўрсаткичларини ишончли равишда пасайтирди (p<0,05), бу эса яллиғланиш жараёни сусайиши ва эндотелиал тикланиш фаоллашиши билан изоҳланди. Олинган натижаларга кўра, зугрел қўлланилиши клопидогрелга нисбатан юқори клиник самарадорликка эга бўлиб, айниқса эверолимус стенти билан комбинацияда энг яхши натижалар қайд этилди..
юрак ишемик касаллиги, перкутан коронар интервенция, эверолимус стенти, зотаролимус стенти, антитромбоцитар терапия, клопидогрел, зугрел (прасугрел), гемодинамика, миокард қисқариш функцияси, коагулограмма, VEGF A, TNF-α, IL-6.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.