Педиатрия № 1 (2026) · Саҳифаҳои 182-191
BOLALARDA O'TKIR GLOMERULONEFRIT DIAGNOSTIKASI, DAVOLASH VA PROGNOZINING ZAMONAVIY XUSUSIYATLARI (adabiyotlar sharxi)
Raxmanova L.K., Matkarimova Sh.D., Axmedova N.A., Muxsinova M.X., Tog’aev М.Q.
Аннотатсия
Ma’lumki, pediatriya amaliyotida glomerulonefrit kasalligi bolalarda eng ko'p uchraydigan orttirilgan glomerulopatiyalardan biri bo'lib, dunyo bo’yicha siydik yo'llari infektsiyalaridan keyingi ikkinchi o'rinda turadi. Hozirgi kunda bolalar o'rasida o’tkir glomerulonefrit (O’GN) kechishining latent xususiyatlarini erta aniqlashning yetarli zamonaviy yondashuvlari mavjud emas, kasallik kechishiga turli tashqi (ekologik) va ichki (immuntanqislik, allergiya, endokrin kasalliklar) xavf omillarining ta’siri to’liq o'rganilmagan. Maqsad: bolalarda o'tkir glomerulonefrit diagnostikasi, davolash va prognozining zamonaviy xususiyatlari va unga ekologik muammolar ta’sirini tahlil qilish.Material va usullar: Bolalardagi o’tkir glomerulopatiyalarga (jumladan o’tkir glomerulonefrit (O’GN)) bagishlangan so’nggi o’n yillikdagi adabiyot ma’lumotlari retrospektiv tahlil qilindi. Olingan ma’lumotlar yillar bo’yicha matematik usulda tekshirildi va taqqoslandi.Natijalar va muxokama: So’nggi yillarda bolalar populytsiyasida O’GN surunkalashuvining kech aniqlanishi, klinik jihatlarining o’z vaqtida hal qilinmasligi hamda haqiqiy vaziyatni mavjud ko'rsatmalardan tubdan farq qilishi aniqlanmoqda. Orolbo’yi mintaqasining ekologik muammolari birinchi navbatda, onalar va bolalar salomatligiga salbiy ta’sir ko‘rsatmoqda. Shuning uchun ham ushbui mintaqada yashovchi bolalarda O’GN kechishining klinik, immunologik va genetik xususiyatlarini o‘rganish, immunkorreksiya va profilaktika usullarini takomillashtirish zamonaviy tibbiyotning dolzarb muammolaridan biri bo’lib qolmoqda.Xulosa: So’nggi yillarda bolalarda O’GNning ko'pincha kichik maktab yoshi va o’smirlarda ham rivojlanishi aniqlanmoqda va kasallikning ogir variantlarida gipertenziya, azotemiya, giperkoagulatsiya, tubulointerstitial komponent qo’shilishi kuzatilmoqda. Kasallik tashxisida ASLO titri oshishi va gipokomplementemiya yetakchi o’rin tutishi ma’lum bo’ldi. Bemorlarni davolashda og'ir gipervolemiya, giperkalemiya va azotemiyaning rivojlanishi gemodializga to’liq ko’rsatma bo’lishi aniqlandi. So’nggi yillarda O’GNning kechish dinamikasi birinchi navbatda shish, keyin gipertenziya va mikrogematuriya yo'qolishi bilan xarakterlanadi.
Манбаи метамаълумот: бойгонии OAI-PMH-и маҷалла · Sindex матни пурраро нигоҳ намедорад, ба манбаъ пайванд медиҳад.