Хорижий лингвистика ва лингводидактика Ҷилди 4 № 1 (2026) · Саҳифаҳои 245-252
INGILIZ VA O‘ZBEK TILLARIDAGI MODA TERMINLARINING CHOG‘ISHTIRMA TAHLILI
Sharipov, Odiljon, Шарипов, Одилжон, Sharipov, Odiljon
Аннотатсия
Globallashuv jarayonlari zamonaviy jamiyat hayotining barcha sohalariga, jumladan, moda industriyasiga ham kuchli ta’sir ko‘rsatmoqda. Moda nafaqat estetik hodisa, balki til orqali ifodalanadigan ijtimoiy-madaniy fenomen sifatida ham namoyon bo‘ladi. Ayniqsa, ingliz tilining xalqaro aloqa tili sifatidagi mavqei moda terminologiyasining shakllanishi va tarqalishida muhim rol o‘ynamoqda. Bugungi kunda fashion industry doirasida qo‘llaniladigan terminlarning katta qismi ingliz tilidan boshqa tillarga, jumladan, o‘zbek tiliga ham o‘zlashib bormoqda. Ushbu jarayon esa terminologik moslashuv, semantik o‘zgarish, fonetik va grafik transformatsiya kabi masalalarni yuzaga keltiradi. Mazkur ilmiy maqolada ingliz va o‘zbek tillaridagi moda terminlarining qiyosiy (chog‘ishtirma) tahlili olib boriladi. Tadqiqot davomida zamonaviy moda diskursida faol ishlatilayotgan inglizcha terminlar aniqlanib, ularning o‘zbek tilidagi ekvivalentlari, o‘zlashish shakllari va semantik xususiyatlari tahlil qilinadi. Shuningdek, ingliz tilidan kirib kelgan moda terminlarining o‘zbek tilida qanchalik darajada moslashgani, ularning milliy til me’yorlariga ta’siri va terminologik barqarorligi masalalari ko‘rib chiqiladi. Tadqiqotning ilmiy yangiligi shundaki, unda moda terminologiyasi nafaqat leksik birlik sifatida, balki ijtimoiy-madaniy va kommunikativ hodisa sifatida ham talqin etiladi. Maqolada real manbalarga, jumladan, xalqaro moda jurnallari (Vogue, Harper’s Bazaar), sanoat tahlillari (Business of Fashion), onlayn kataloglar va o‘zbek ommaviy axborot vositalarida qo‘llanilayotgan terminologik birliklarga tayangan holda tahlil amalga oshiriladi. Olingan natijalar o‘zbek tilshunosligida zamonaviy terminologiya, ayniqsa, moda terminlari tizimini yanada tartibga solishda muhim ahamiyat kasb etadi
moda terminologiyasi, inglizcha o‘zlashmalar, chog‘ishtirma tahlil, fashion industry, terminologik moslashuv, leksik-semantik o‘zgarish, globallashuv, o‘zbek tili.
Манбаи метамаълумот: бойгонии OAI-PMH-и маҷалла · Sindex матни пурраро нигоҳ намедорад, ба манбаъ пайванд медиҳад.