Marketing (2025) · pp. 495-502
OʻZBEKISTONNING XALQARO SAVDO SIYOSATINI DIVERSIFIKATSIYA QILISH YOʻLLARI
Ibrohimov Boburmirzo Baxtiyor oʻgʻli
Abstract
Mazkur maqolada Oʻzbekiston Respublikasining xalqaro savdo siyosatini diversifikatsiya qilish masalalari chuqur tahlil etiladi. Soʻnggi yillarda mamlakatning tashqi iqtisodiy aloqalarini kengaytirish, eksport tarkibini yangilash va geografik yoʻnalishlarni koʻpaytirish Oʻzbekiston iqtisodiy siyosatining ustuvor yoʻnalishlaridan biriga aylandi. Shu nuqtai nazardan, maqolada xalqaro savdo tizimidagi global tendensiyalar, mintaqaviy integratsiya jarayonlari hamda savdo siyosatining milliy raqobatbardoshlikka taʼsiri ilmiy asosda oʻrganiladi. Diversifikatsiya jarayonida ishlab chiqarish tarmoqlarini modernizatsiya qilish, logistika infratuzilmasini rivojlantirish va eksport qiluvchi korxonalarni qoʻllab-quvvatlash mexanizmlari muhim omil sifatida koʻrib chiqiladi.Tadqiqotda Jahon savdo tashkiloti, Yevropa Ittifoqi, MDH, Osiyo va Afrika mamlakatlari bilan savdo-iqtisodiy hamkorlikni kengaytirish istiqbollari ham tahlil qilinadi. Shuningdek, eksport mahsulotlarini qayta ishlash darajasini oshirish, yuqori qoʻshilgan qiymatli mahsulotlar ishlab chiqarish, transport-kommunikatsiya yoʻlaklarini diversifikatsiya qilish hamda xalqaro logistika tizimiga integratsiyalashish zarurligi taʼkidlanadi. Maqola yakunida Oʻzbekistonning xalqaro savdo siyosatini diversifikatsiya qilish boʻyicha strategik yoʻnalishlar, davlat siyosati va xususiy sektor hamkorligini kuchaytirish boʻyicha amaliy takliflar ilgari suriladi. Tadqiqot natijalari mamlakatning tashqi iqtisodiy xavfsizligini mustahkamlash va global bozor sharoitida barqaror oʻsishni taʼminlashga xizmat qiladi.
Metadata source: the journal's OAI-PMH archive · Sindex does not store the full text; it links to the source.