Marketing Issue 8 (2026)
TOʻQIMACHILIK SANOATINI IQTISODIY RIVOJLANTIRISH MEXANIZMINING NAZARIY ASOSLARI
Nurullayeva Mexribon Muratovna
Abstract
Maqolada Oʻzbekiston toʻqimachilik sanoatini iqtisodiy rivojlantirish mexanizmining nazariy asoslari tadqiq etildi. Sanoat rivojlanishi nazariyalari, global qiymat zanjiri va institutsional trayektoriya konsepsiyalari qiyosiy hamda tizimli tahlil qilindi. Ishlab chiqarish hajmi, eksport tarkibi, qayta ishlash chuqurligi va mehnat unumdorligi oʻrtasidagi bogʻliqlik baholandi. Natijada institutsional, investitsion va innovatsion vositalarni birlashtiruvchi, teskari aloqa konturlariga ega koʻp darajali boshqaruv arxitekturasi ishlab chiqildi. Tarmoqning moddiy boʻgʻinlari toʻliq shakllangani, nomoddiy boʻgʻinlari esa faol rivojlanayotgani aniqlandi. Ragʻbatlantirish mezonlarini qayta ishlash chuqurligi, qoʻshilgan qiymat va unumdorlik koʻrsatkichlari bilan boyitish taklif etildi. Yondashuv tarmoqning global qiymat zanjiridagi mavqeyini yanada mustahkamlash, barqaror raqobatbardoshligini hamda eksport salohiyatini izchil oshirishga xizmat qilishi asoslandi.
toʻqimachilik sanoati, iqtisodiy rivojlantirish mexanizmi, global qiymat zanjiri, qayta ishlash chuqurligi, qoʻshilgan qiymat, institutsional mexanizm, eksport salohiyati, raqobatbardoshlik.
Metadata source: the journal's OAI-PMH archive · Sindex does not store the full text; it links to the source.