Яшил иқтисодиёт ва тараққиёт 4-jild 5-son (2026) · 834-850-betlar
AGGLUTINATIV TILLARDA NORMATIV INFERENSIYA (OʻZBEK HUQUQIY DISKURSI MISOLIDA)
Раимова, Муборак
Annotatsiya
Maqolada o‘zbek tilining agglutinativ morfologik qurilishi huquqiy matnda normativ inferensiya qanday yuzaga kelishiga ta’siri tahlil qilinadi. Asosiy e’tibor normativ ma’noning faqat terminlar yoki gap mazmuni orqali emas, qo‘shimchalar tizimi, nisbat shakllari, ko‘makchili qurilmalar va sintaktik qamrov orqali ham shakllanishiga qaratiladi. O‘zbekiston Respublikasi Soliq kodeksining 239-moddasi - tovarlarni realizatsiya qilish bo‘yicha aylanma, 248-moddasi - soliq bazasini aniqlash tartibi, 370-377-moddalari - jismoniy shaxslarning jami daromadi tarkibi misolida grammatik shakl bilan huquqiy talqin o‘rtasidagi bog‘lanish ko‘rsatiladi. Tahlilda morfologik tahlil bosqichi, inferensial tiklash va deontik baholash bosqichlari qo‘llanadi. Natijada agglutinativ tuzilma normativ matnda sintaktik qamrov noaniqligi, interpretativ kolliziya, terminologik diffuziya va inferensial kengayish kabi hodisalarni yuzaga chiqarishi aniqlanadi. Maqola pragmalingvistika, deontik mantiq, diskurs tahlili va huquqiy interpretatsiya yondashuvlarini o‘zbek huquqiy diskursi materiali bilan bog‘laydi.
agglutinativ tipologiya, normativ inferensiya, huquqiy diskurs, lingvo-mantiqiy ekspertiza, deontik mantiq, o‘zbek tili, soliq qonunchiligi, morfologik qatlam, interpretativ kolliziya, QQS, jismoniy shaxslar daromad solig‘i.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.