«FarDU ilmiy xabarlari» Volume 7 Issue 4 (2026)
BO‘LAJAK SHIFOKORLARNING KLINIK KOMPETENSIYALARINI BAHOLASHDA OSCE TEXNOLOGIYASINING DIDAKTIK VA METODIK IMKONIYATLARI
Komolidin, G'aniyev
Abstract
Mazkur maqolaning maqsadi bo‘lajak shifokorlarning klinik kompetensiyalarini baholashda Objective Structured Clinical Examination (OSCE) texnologiyasining didaktik va metodik imkoniyatlarini tizimlashtirish hamda tibbiyot oliy ta’limi uchun amaliy joriy etish modelini ishlab chiqishdan iborat. Tadqiqotda ilmiy manbalarni analitik sharhlash, qiyosiy tahlil, kontent-tahlil, pedagogik modellashtirish va mezonli baholash usullaridan foydalanildi. OSCEning tarixiy shakllanishi, Miller kompetensiyalar piramidasidagi o‘rni, stansiyalarni loyihalash, blueprint tuzish, standartlashtirilgan bemor va ekspertlarni tayyorlash, chek-list hamda global reyting shkalalarini qo‘llash masalalari tahlil qilindi. Natijada OSCE sifatini ta’minlovchi olti bosqichli uzluksiz sikl, stansiya komponentlarining didaktik funksiyalari va tibbiy-biologik bilimlarni klinik vaziyatlarga integratsiyalashga mo‘ljallangan namunaviy blueprint taklif etildi. Muhokama natijalari OSCEning amaliy ko‘nikma, klinik fikrlash, kommunikatsiya, kasbiy etika va bemor xavfsizligini kompleks baholash imkonini berishini ko‘rsatdi. Xulosa sifatida, OSCE faqat stansiyalar majmui emas, balki validlik, ishonchlilik, adolatlilik va ta’limiy ta’sirni birlashtiruvchi tizimli baholash texnologiyasi ekanligi asoslandi. Taklif etilgan model stansiyalar bankini bosqichma-bosqich yaratish, sifat ko‘rsatkichlarini nazorat qilish va natijalardan o‘quv jarayonini takomillashtirishda foydalanishga yo‘naltirilgan.
OSCEklinik kompetensiyasimulyatsion ta’limobyektiv baholashblueprintstansiyastandartlashtirilgan bemorchek-listglobal reytingklinik fikrlash.
Metadata source: the journal's OAI-PMH archive · Sindex does not store the full text; it links to the source.