Innovations in Science and Technologies Volume 2 Issue 5 (2025) · pp. 328-335
TOVAR-MODDIY ZAHIRALARNING AUDITI: NAZARIY ASOSLARI, AMALIY YONDASHUVLAR VA TAKOMILLASHTIRISH IMKONIYATLARI
Xushvaqtov, Farrux
Abstract
Tovar-moddiy zahiralar har qanday xo‘jalik yurituvchi subyektning ishlab chiqarish va tijorat faoliyatida muhim resurslar hisoblanib, ularning to‘g‘ri va haqqoniy auditdan o‘tkazilishi korxonaning moliyaviy holati, aktivlarning real qiymatini aniqlash, ichki nazorat tizimini baholash va investitsion ishonchlilikni oshirishda hal qiluvchi ahamiyatga ega. Ushbu maqolada tovar-moddiy zahiralarning auditi yuzasidan mavjud nazariy konsepsiyalar, xalqaro audit standartlari talablari hamda O‘zbekiston korxonalarida qo‘llanilayotgan amaliy yondashuvlar chuqur tahlil qilinadi. Tadqiqot davomida audit jarayonlarining hujjatli ishonchliligi, inventarizatsiya bilan bog‘liq tafsilotlar, zahiralarning huquqiy egaligi va ular bo‘yicha baholash uslublarining auditga ta’siri o‘rganilgan. Bundan tashqari, auditorlik dalillarining aniqligi va tekshiruv xulosalarining asoslanganligi zahiralarni hisobga olishdagi tizimlilik bilan bevosita bog‘liq ekani aniqlangan. Tahlillar shuni ko‘rsatadiki, ko‘plab xo‘jalik subyektlarida audit faqat shakliy tekshiruv bilan cheklanib, tavsiyalar ijrosining izchil monitoringi sust yo‘lga qo‘yilgan. Shu sababli maqolada audit jarayonlarini zamonaviy texnologiyalar asosida avtomatlashtirish, riskka asoslangan yondashuvlarni kengaytirish, ichki va tashqi audit o‘rtasidagi integratsiyani kuchaytirish bo‘yicha amaliy tavsiyalar ishlab chiqilgan. Mazkur ilmiy ish tovar-moddiy zahiralarning auditi samaradorligini oshirishga, audit sifatini xalqaro talablarga yaqinlashtirishga hamda moliyaviy hisobotlarning shaffofligini ta’minlashga qaratilgan takliflarni ilgari suradi.
tovar-moddiy zahiralar, audit, inventarizatsiya, audit dalillari, xalqaro audit standartlari, ichki nazorat tizimi, hujjatli tekshiruv, zahiralarni baholash, riskka asoslangan audit
Metadata source: the journal's OAI-PMH archive · Sindex does not store the full text; it links to the source.