Innovations in Science and Technologies 2-том 9-нөмір (2025) · 328-337-беттер
INSON MOHIYATI VA IQTISODIY ERKINLIK: EKZISTENSIALIZM VA NEOLIBERALIZM TO‘QNASHUVI
Ismoilov, Maxamadixon
Аңдатпа
Maqolada inson mohiyatining falsafiy talqini iqtisodiy erkinlik kategoriyasi bilan o‘zaro dialektik bog‘liqlikda tahlil qilinadi. Tadqiqotning nazariy asosi ekzistensializm va neoliberalizm paradigmalari o‘rtasidagi konseptual ziddiyatni ochib berishga yo‘naltirilgan. Ekzistensializm insonni o‘z mavjudligining yaratuvchisi sifatida, erkinlikni esa tanlov, ma’naviy mas’uliyat va ontologik anglash jarayonining markaziy elementi sifatida tushuntiradi. Neoliberalizm esa iqtisodiy erkinlikni bozor raqobati, mulk huquqi va shaxsiy manfaatlarni amalga oshirish imkoniyati sifatida talqin etadi. Mazkur ikki paradigmaning to‘qnashuvi insonning ichki ontologik erkinligi bilan tashqi iqtisodiy tizim tomonidan belgilangan strukturaviy chegaralar o‘rtasidagi murakkab munosabatlarni yoritadi. Maqolada iqtisodiy erkinlik insonning shunchaki iqtisodiy tanlov imkoniyati emas, balki uning mavjudlik mas’uliyatining aksiologik ko‘rinishi sifatida qayta talqin etiladi. Shu asosda insonni “bozor subyekti” emas, balki “ma’noli mavjudlik subyekti” sifatida anglash zarurligi asoslanadi. Tadqiqot natijalari zamonaviy iqtisodiy tafakkurda erkinlik, axloq va mohiyat tushunchalarining falsafiy integratsiyasi uchun metodologik asos yaratadi.
inson mohiyati, iqtisodiy erkinlik, ekzistensializm, neoliberalizm, tanlov erkinligi, mas’uliyat, mavjudlik falsafasi, aksiologiya, ontologiya, iqtisodiy tafakkur, iqtisodiy ong, shaxs subyektivligi, erkinlik dialektikasi.
Метадеректер дереккөзі: журналдың OAI-PMH архиві · Sindex толық мәтінді сақтамайды, дереккөзге сілтеме береді.