Қўқон университети хабарномаси 16-jild (2025) · 76-78-betlar
TALABALAR SALOMATLIGIDA OILAVIY VA IJTIMOIY FAKTORLARNING AHAMIYATI
Xaqiqatbekov, Zafarbek
Annotatsiya
Ushbu maqola oliy ta’lim muassasalarida talabalar salomatligiga ta’sir etuvchi oilaviy va ijtimoiy omillarni tizimli tarzda o‘rganishga bag‘ishlangan. Tadqiqot jarayonida oilaviy muhit, ota-ona bilan munosabatlar, oila ichidagi qo‘llab-quvvatlash tizimi, shuningdek, talabalar orasidagi ijtimoiy aloqalar, do‘stlik muhitining salomatlikka ta’siri chuqur tahlil qilindi. Maqolada mavjud ilmiy adabiyotlar asosida talabalar salomatligi bilan bog‘liq psixologik va ijtimoiy mexanizmlar, ularni qo‘llab-quvvatlash metodlari, shuningdek, sog‘lom turmush tarzini shakllantirish yo‘llari muhokama qilindi. Maqolada oliy ta’lim muassasalari talabalari salomatligiga ta’sir etuvchi oilaviy va ijtimoiy omillar tizimli va kompleks tarzda o‘rganilgan. Talabalarning psixofiziologik xususiyatlari, oilaviy qo‘llab-quvvatlash, ijtimoiy aloqalar, universitet muhiti va ularning salomatlik holati o‘rtasidagi o‘zaro bog‘liqliklar psixologik, sotsiologik hamda pedagogik metodlar integratsiyasi asosida tahlil qilingan. So‘rovnoma, intervyu, fokus-guruhlar, korrelyatsion tahlil hamda strukturaviy model (SEM) metodlari yordamida olingan natijalar oilaviy qo‘llab-quvvatlashning stress darajasini pasaytirishi, emotsional barqarorlik va motivatsiyani oshirishi, ijtimoiy aloqa va tengdoshlar bilan muloqotning esa sog‘lom turmush tarzini shakllantirishga sezilarli ta’sir ko‘rsatishini tasdiqladi. Chet el olimlari tadqiqotlarining tahlili ushbu omillarning murakkab o‘zaro ta’sirini asoslab berdi. Maqola oliy ta’lim muassasalarida talabalarning ruhiy va jismoniy salomatligini qo‘llab-quvvatlash uchun samarali pedagogik va ijtimoiy strategiyalarni ishlab chiqish bo‘yicha ilmiy-amaliy tavsiyalarni taklif etadi.
Talabalar salomatligi, oilaviy faktorlar, ijtimoiy muhit, psixologik qo‘llab-quvvatlash, sog‘lom turmush tarzi, oliy ta’lim, ijtimoiy aloqalar, oila muhiti.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.