Қўқон университети хабарномаси 18-jild (2026) · 160-162-betlar
AHOLI FAROVONLIGI VA UNGA TA’SIR ETUVCHI OMILLAR
Raximov, Z.K.
Annotatsiya
Mazkur maqolada aholi farovonligi tushunchasining nazariy va amaliy jihatlari kompleks yondashuv asosida tahlil qilingan. Xususan, aholi farovonligining iqtisodiy mazmuni, uning tarkibiy qismlari hamda zamonaviy sharoitda shakllanishiga ta’sir etuvchi asosiy omillar chuqur yoritib berilgan. Tadqiqot davomida farovonlik tushunchasining tor va keng talqinlari o‘rganilib, uning nafaqat daromad va iste’mol darajasi, balki hayot sifati, ijtimoiy himoya, ta’lim, sog‘liqni saqlash va yashash muhiti kabi ko‘rsatkichlar bilan uzviy bog‘liqligi asoslab berilgan. Maqolada iqtisodiy omillar sifatida yalpi ichki mahsulot o‘sishi, bandlik darajasi, daromadlarning shakllanishi va taqsimlanishi hamda inflyatsiya darajasining aholi farovonligiga ta’siri tizimli ravishda tahlil etilgan. Shu bilan birga, ijtimoiy omillar – ta’lim tizimi, sog‘liqni saqlash, ijtimoiy himoya mexanizmlari va demografik jarayonlarning farovonlik darajasiga ta’siri ham alohida e’tiborga olingan. Tadqiqotda xizmatlar sohasining aholi farovonligini oshirishdagi o‘rni muhim yo‘nalish sifatida ko‘rsatilib, uning bandlikni ta’minlash, daromadlarni oshirish va hayot sifatini yaxshilashdagi roli asoslab berilgan. Ayniqsa, raqamli iqtisodiyot va zamonaviy axborot-kommunikatsiya texnologiyalarining rivojlanishi natijasida yangi iqtisodiy imkoniyatlar yuzaga kelayotgani ta’kidlangan. Shuningdek, maqolada O‘zbekiston sharoitida olib borilayotgan ijtimoiy-iqtisodiy islohotlar, xizmatlar sektorining kengayishi va davlat siyosatining aholi turmush darajasiga ta’siri amaliy jihatdan baholangan. Tadqiqot natijalariga asoslanib, aholi farovonligini oshirish uchun xizmatlar sohasini rivojlantirish, raqamli xizmatlarni keng joriy etish, kichik biznes va tadbirkorlikni qo‘llab-quvvatlash, infratuzilmani modernizatsiya qilish hamda ijtimoiy himoya tizimini takomillashtirish bo‘yicha ilmiy asoslangan taklif va tavsiyalar ishlab chiqilgan.
Ijtimoiy-iqtisodiy siyosat, aholi farovonligi, xizmatlar sohasi, metodologiya, globallashuv, strategiya, inson salohiyati, islohot, kambag‘allikni qisqartirish, yoshlarga oid davlat siyosati, barqaror iqtisodiy o‘sish
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.