Қўқон университети хабарномаси 19-tom (2026) · 56-59-betler
INGLIZ VA O‘ZBEK TILLARIDA MUQOBIL ENERGETIKA TERMINLARINING STRUKTURAVIY TURLARI: CHOG‘ISHTIRMA TAHLIL
Sultanova, Muxlisa
Annotaciya
Ushbu maqolada ingliz va o‘zbek tillarida muqobil energetika sohasiga oid terminlarning strukturaviy shakllanish xususiyatlari chog‘ishtirma-tipologik yondashuv asosida tadqiq etiladi. Tadqiqotning dolzarbligi qayta tiklanuvchi energiya texnologiyalarining jadal rivojlanishi natijasida mazkur sohaga oid yangi terminologik birliklarning ko‘payishi hamda ularni turli tillarda standartlashtirish zarurati bilan belgilanadi. Tadqiqot materiallari 396 ta terminologik birlikdan iborat korpus asosida shakllantirilib, shundan 235 tasi ingliz, 161 tasi o‘zbek tiliga mansub birliklarni tashkil etadi. Terminlar sodda, yasama, qo‘shma, birikmali, ko‘p komponentli va abbreviativ birliklar sifatida tasniflanib, ularning miqdoriy va strukturaviy nisbatlari aniqlangan. Tahlil natijalari ingliz tilida yasama terminlarning, o‘zbek tilida esa birikmali terminlarning ustunligini ko‘rsatdi. Shuningdek, abbreviaturalar va qo‘shma terminlarning ikki tildagi qo‘llanish chastotasida sezilarli tafovutlar aniqlandi. Ushbu farqlar til tipologiyasi bilan bir qatorda xalqaro terminlarning o‘zlashtirilishi, so‘z yasash imkoniyatlari, tarjima va terminologik standartlashtirish jarayonlari bilan bog‘liq holda talqin qilindi. Tadqiqot natijalari muqobil energetika terminologiyasining strukturaviy modelini aniqlash, ingliz va o‘zbek tillari o‘rtasidagi terminologik muvofiqlikni takomillashtirish hamda o‘zbek tilidagi ilmiy-texnik terminlarni standartlashtirish uchun nazariy va amaliy ahamiyatga ega.
muqobil energetika terminologiyasi, strukturaviy tasnif, chog‘ishtirma tilshunoslik, terminologik korpus, so‘z yasalishi, abbreviatsiya.
Metadata derekkózi: jurnal OAI-PMH arxivi · Sindex tolıq mátindi saqlamaydı, derekkózge silteme beredi.