Ислом тафаккури – Исламская мысль – Islamic thought – (2020) · 2-3-betler
Маҳмуд Замахшарийнинг «Кўзи ожизга тасалли» рисоласи: янги топилма
Исломов, Зоҳиджон
Annotaciya
Мақолада буюк аллома Маҳмуд Замахшарийнинг (1075–1144) илгари номаълум бўлган ва олимлар томонидан йўқолган деб ҳисобланган «Кўзи ожизга тасалли» рисоласининг топилиши ва илмий таҳлили ёритилган. Теҳрондаги Малик миллий кутубхонасида сақланаётган қўлёзмадан топилган ушбу рисола 589-ҳижрий (1193) йилда кўчирилган бўлиб, унда Замахшарий кўзи ожиз кишиларга сабр-тоқат, иймон-эътиқод масалалари бўйича панд-насиҳатлар беради, уларни ҳаётий синовларга чидамли бўлишга, қалб кўзи билан ҳақиқатни кўришга даъват этади. Рисолада Урва ибн Зубайр, Абул Айно Мутаваккил каби тарихий шахсларнинг кўрлигига қарамай юксак маънавият ва фазилат эгаси бўлганликлари ҳақидаги ривоятлар, шунингдек, Ибн Аббоснинг байти ва Қуръони карим оятларидан иқтибослар келтирилиб, кўзи ожиз инсоннинг диққати, хотираси, заковати, нутқи ва ақли каби фазилатлари таърифланади. Олим рисоланинг иккинчи қисмида кўзи ожиз кишиларни дунёвий ва маънавий жиҳатдан қўллаб-қувватлаш, уларнинг қалбини Аллоҳга итоат ва тавҳидга машғул этиш лозимлигини уқтиради.
Metadata derekkózi: jurnal OAI-PMH arxivi · Sindex tolıq mátindi saqlamaydı, derekkózge silteme beredi.