Ислом тафаккури – Исламская мысль – Islamic thought – (2020) · 69-71-беттер
Камолиддин Баёзий ҳанафий асарида Мотуридий ва Ашъарийлар ўртасидаги жузъий фарқлар
Муҳибуллаев, Саидмуҳаммад
Аннотация
Мақола Камолиддин Баёзий Ҳанафийнинг «Ишорат ал-маром мин иборат ал-Имом Абу Ҳанифа» асари асосида мотуридий ва ашъарийлар ўртасидаги ақидавий қарашлардаги фарқларни ўрганади. Баёзий Пайғамбарнинг умматнинг 73 фирқага бўлиниши ҳақидаги ҳадисини шарҳлар экан, аҳли сунна вал жамоа йўлида бўлган мотуридийлар ва ашъарийлар ўртасидаги ихтилофлар фақат жузъий (фаръий) масалаларда эканини, улар аслий (эътиқодий) ҳукмларда бир фикрда эканликларини таъкидлаган. Муаллиф Баёзий санаб ўтган қарийб 40 та фарқни – Аллоҳнинг сифатлари, таклиф, куфрни афв этиш, имон ва ислом муносабати, қазо ва қадар, банданинг касби, иймоннинг зиёда ва ноқис бўлиши, пайғамбарларнинг маъсумлиги, имамат масаласи каби мавзулар бўйича икки мактаб қарашларини қиёслайди. Мақолада бу фарқларнинг ислом умматини бўлиб юбормаслиги, балки фиқҳий ва каломий ижтиҳод доирасидаги тафовут эканлиги, шу сабабли уларни адашган фирқалар қаторига қўшиб бўлмаслиги асослаб берилган.
Метадайындар булагы: журналдын OAI-PMH архиви · Sindex толук текстти сактабайт, булакка шилтеме берет.