Актуар молия ва бухгалтерия ҳисоби 5-jild 03-son (2025) · 231-237-betlar
O’ZBEKISTON RESPUBLIKASIDA YASHIL BUXGALTERIYA HISOBINI TASHKIL QILISHNING O’ZIGA XOS XUSUSIYATLARI
Ochilov Farxodjon Shavkatjon o’g’li, Sobirova Kamola Shuxratjon qizi
Annotatsiya
Yashil buxgalteriya tushunchasi hozirgi kunda butun dunyoda dolzarb hamda muhim kategoriya sifatida ko’zga tashlanmoqda. Xususan, O’zbekiston Respublikasida ham aynan yashil buxgalteriya hisobini tashkil qilish va yuritishga qaratilgan islohotlarning dastlabki qadamlari qo’yilmoqda. Bevosita faoliyati ekologiyaga bog’liq tashkilotlarning og’riqli nuqtalaridan bo’lib kelayotgan muammolarga yechimlar izlab topish maqsadida yashil buxgalteriya hisobini tashkil qilish masalalari ilgari surilmoqda. O’zbekiston Respublikasida yashil buxgalteriya hisobini tashkil qilishning afzalliklari, atrof-muhitga oid xarajatlar hisobi va global iqtisodiyotga hissasi haqida ma’lumot beradi. Respublikamizning hozirgi kunda kuzatilayotgan ekologik muammolari, jumladan, havoning zaharlanishi, suv tanqisligi va atrof-muhutning ifloslanishi masalalarini bartaraf etishda investisiyalarni jalb qilish va xalqaro raqobatdoshlikni oshirishga yashil buxgalteriya hisobi imkoniyatlarni yaratishga yordam beradi. Shuningdek, O’zbekiston Respublikasida yashil buxgalteriya hisobini yuritish jarayonlarida kutilmagan muammolar yuzaga kelishi mumkin, buning asosiy sababi shundaki, mazkur hisobni yuritishda milliy standartlar ishlab chiqilmagani va tegishli ilmiy tadqiqot ishlarining yetarli emasligidir. Mazkur maqolada yuqorida keltirib o’tilgan yashil buxgalteriya hisobini tashkil etishdagi muammolar hamda ularni bartaraf etishga qaratilgan taklif va tavsiyalar ishlab chiqilgan. Ushbu maqola, adabiyotlar, ilmiy maqolalar hamda ilmiy-amaliy tadqiqotlardagi olimlar fikrlarni o’rganish natijasi bo’yicha turli amaliy tavsiyalar beradi.
Yashil buxgalteriya hisobi, atrof-muhit, moliyaviy hisobot, qishloq xo’jaligi, sanoat, ishlab chiqarish jarayoni, baholangan majburiyatlar.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.