Актуар молия ва бухгалтерия ҳисоби 6-tom 06-san (2026) · 53-61-betler
Byudjet Tashkilotlarida Nomoliyaviy Aktivlar Hisobini Yuritish Amaliyoti: Muammolar va Takomillashtirish Yo‘nalishlari
Iskanov Xoljigit Nurkosimovich
Annotaciya
Nomoliyaviy aktivlar - binolar, inshootlar, asbob-uskunalar, infratuzilma obyektlari va nomoddiy resurslar - davlat sektorida jamoat xizmatlari sifati hamda davlat mulkidan foydalanish samaradorligiga bevosita ta’sir ko‘rsatadi. Mazkur maqolaning maqsadi byudjet tashkilotlarida nomoliyaviy aktivlar hisobini yuritish amaliyotidagi tizimli muammolarni aniqlash, ularning moliyaviy hisobot ishonchliligi va boshqaruv qarorlari sifatiga ta’sirini baholash hamda takomillashtirish yo‘nalishlarini asoslashdan iborat. Tadqiqot sifat-analitik yondashuv, hujjatlar tahlili, qiyosiy tahlil va institutsional tahlil metodlariga tayangan holda amalga oshirildi. Natijalar tarixiy qiymat asosida baholashning ustunligi aktivlarning real iqtisodiy qiymatini to‘liq aks ettirmasligi, inventarizatsiya va ichki nazorat mexanizmlari yetarli darajada samarali emasligi, amortizatsiya hisobida real foydalanish sharoitlari yetarlicha inobatga olinmasligi hamda raqamlashtirish darajasi pastligini ko‘rsatdi. Xalqaro tajriba IPSAS talablari asosida to‘liq hisoblash metodiga bosqichma-bosqich o‘tish davlat sektori hisobotlarining shaffofligi, taqqoslanishi va hisobdorligini oshirishini tasdiqlaydi. Maqolada O‘zbekiston sharoitida nomoliyaviy aktivlar hisobini modernizatsiya qilish uchun metodologik, institutsional va texnologik chora-tadbirlar taklif etiladi.
nomoliyaviy aktivlarbyudjet tashkilotlaridavlat sektori hisobiaktivlarni baholashinventarizatsiyaamortizatsiyaraqamli hisob tizimiIPSASto‘liq hisoblash metodi
Metadata derekkózi: jurnal OAI-PMH arxivi · Sindex tolıq mátindi saqlamaydı, derekkózge silteme beredi.