Жанубий оролбўйи тиббиёт журнали 2-jild Maxsus-son (2026) · 536-543-betlar
ME’DA SURUNKALI YARA KASALLIGI: ETIOLOGIYA, DIAGNOSTIKA VA DAVOLASHNING ZAMONAVIY YONDASHUVLARI
Saidnabiyev, Shoxrux
Annotatsiya
Me’da surunkali yara kasalligi hazm yo‘llari patologiyasi ichida yuqori tarqalishi, qaytalanuvchan kechishi, qon ketish, perforatsiya va pilorik stenoz kabi asoratlar bilan xavfliligi sababli gastroenterologiyaning dolzarb muammolaridan biri bo‘lib qolmoqda. Kasallik me’da shilliq qavatining himoya mexanizmlari bilan agressiv omillar o‘rtasidagi muvozanat izdan chiqqanda rivojlanadi. Ayniqsa Helicobacter pylori infeksiyasi, nosteroid yallig‘lanishga qarshi dorilarni uzoq qabul qilish, chekish, surunkali stress, parhezdagi xatolar va hamroh somatik kasalliklar muhim etiologik omillar sifatida qaraladi. Zamonaviy klinik yondashuvda me’da yarasini oddiy og‘riq sindromi bilan kechuvchi holat sifatida emas, balki etiologik omilni aniqlash, malign jarayonni inkor etish, shilliq qavat holatini endoskopik baholash va individual davolash rejasini tuzishni talab qiluvchi ko‘p omilli kasallik sifatida ko‘rish zarur. Ushbu maqolaning maqsadi me’da surunkali yara kasalligining etiologik asoslarini, anatomik va patofiziologik xususiyatlarini, diagnostik usullarini hamda davolashning zamonaviy tamoyillarini tizimli yoritishdan iborat. Maqolada me’da va unga tutash a’zolarning anatomik aloqalari, klinik simptomatika, endoskopik diagnostika, Helicobacter pylori ni aniqlash usullari, proton pompa ingibitorlari asosidagi terapiya, eradikatsion davolash strategiyasi va asoratlangan holatlarda invaziv yondashuvlar keng tahlil qilindi. Olingan xulosalar me’da yarasi bilan og‘rigan bemorlarni erta aniqlash, xavf guruhini belgilash va asoratlarning oldini olishda zamonaviy algoritmlarning afzalligini ko‘rsatadi.
me’da surunkali yara kasalligiHelicobacter pyloriendoskopiyabiopsiyame’da anatomiyasi
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.