Жанубий оролбўйи тиббиёт журнали 2-том 3-сан (2026) · 93-100-беттер
HOMILADORLIK PATOLOGIYASI, ONADAGI KASALLIKLAR VA BOLALARNING KO‘KYO‘TALGA MOYILLIGI O‘RTASIDAGI O‘ZARO BOG‘LIQLIK
Raxmatullayeva, Shaxnoza, Faxriddinova, Dilafruz
Аннотация
Ko‘kyo‘tal, ayniqsa, ilk yoshdagi bolalar salomatligi uchun jiddiy xavf tug‘dirib kelmoqda. Xavf omillarini tushunish samarali profilaktika choralarini ishlab chiqishda muhim ahamiyatga ega. Homiladorlikning to‘xtash xavfi va onadagi yondosh kasalliklar yangi tug‘ilgan chaqaloqning rivojlanishi va salomatligiga sezilarli darajada ta’sir ko‘rsatishi mumkin, bu esa ularni yuqumli kasalliklar nuqtai nazaridan o‘rganishni muhim qilib qo‘yadi. Tadqiqot maqsadi onadagi homiladorlik kechishi va yondosh kasalliklarga qarab ko‘kyo‘talning klinik-laborator kechish xususiyatlari bog‘liqligini o‘rganishdan iborat. 2017–2020-yillar davomida Toshkent tibbiyot akademiyasi III-klinikasining bolalar yuqumli kasalliklari bo‘limiga “Ko‘kyo‘tal” tashxisi bilan yotqizilgan 18 yoshgacha bo‘lgan 146 nafar bola tekshiruvdan o‘tkazildi. Asosiy guruhdagi bemor bolalar onalarining salomatlik holati o‘rganilganda, 3-jadvaldan ko‘rinib turibdiki, ularning 45 nafarida (16,7%) homiladorlikning birinchi va ikkinchi yarmida ko‘ngil aynishi, qusish va umumiy ahvolning yomonlashishi bilan kechgan toksikozlar aniqlangan. 19 nafar (21,1%) ona kesarcha kesish yo‘li bilan farzandli bo‘lgan. Yondosh kasalliklari bo‘lgan onalar soni 12 nafarni (13,3%) tashkil etgan, muddatidan oldin tug‘ish holati aniqlanmagan, 6 nafar (6,7%) onada kindik o‘ralishi bilan tug‘ish kuzatilgan. Nazorat guruhidagi bolalar onalarida bu ko‘rsatkichlar quyidagicha bo‘ldi: 22 nafar (44%) onada homiladorlikning erta va kechki davrlarida toksikoz, 15 nafar (30%) onada kesarcha kesish yo‘li bilan tug‘ish kuzatildi, 25 nafar (50%) chaqaloqda kindik o‘ralishi qayd etildi, yondosh kasalliklari bo‘lgan onalar soni 18 nafarni (36%) tashkil etdi va 1 nafar (2%) ayolda muddatidan oldin tug‘ish holati kuzatildi. Homiladorlikning kechmasligi, onadagi yondosh kasalliklar, patologik tug‘uruq asoratlari bola salomatligiga ta’sir qilib, premorbid fon kasalliklarining rivojlanishiga sabab bo‘ladi va bularning barchasi ko‘kyo‘talning og‘ir kechishiga olib kelishi mumkin.
ko‘kyo‘talhomiladorlikbolalaryondosh kasalliklar
Метадайындар булагы: журналдын OAI-PMH архиви · Sindex толук текстти сактабайт, булакка шилтеме берет.