Вестник Ассоциации пульмонологов Центральной Азии Volume 14 Issue 9 (2025) · pp. 121-130
БЎЛМАЧАЛАР ФИБРИЛЛЯЦИЯСИ КАТЕТЕР АБЛАЦИЯСИДАН КЕЙИНГИ РЕЦИДИВИНИ БАШОРАТ ҚИЛИШДА КЛИНИК ВА БИОКИМЁВИЙ МАРКЕРЛАРНИНГ АҲАМИЯТИ
Уралов Х.И., Закиров Н.У., Амиркулов Б.Дж.
Abstract
Мақсади: бўлмачалар фибрилляцияси катетер аблациясидан кейинги даврларда рецидивга сабаб бўлувчи турли предикторларни аниқлаш. Материал ва методлар: проспектив, рандомизацияланган тадқиқотда 67 нафар бемор ўпка веналари катетерли аблациядан кейин 1 йил давомида кузатилди. Якуний нуқта сифатида 30 секундан кўп хар қандай бўлмачалар тахиаритмияси олинди. РЧАдан олдинги клиник ва лаборатор кўрсаткичлар рецидивлар билан боғлиқлиги таҳлил қилинди. Натижалар: Эрта рецидив 44,8% беморларда, кеч рецидив эса 47,8% беморларда кузатилди. С-реактив оқсил (СРО) даражалари ҳам эрта, ҳам кеч рецидивларни башорат қилишда юқори диагностик аҳамиятга эга эканлиги аниқланди (AUC = 0,93; 95% ИШ: 0,85–0,99; p < 0,001) — чегаравий қиймати 1,95 мг/л бўлиб, сезгирлиги 90% ва махсуслиги 95% ни ташкил этди. Шунингдек, қандли диабет мавжудлиги ҳам аҳамиятли предиктор бўлди (AUC = 0,957; сезгирлик – 96,7%; махсуслик – 90,9%; p < 0,001). Бундан ташқари, БФ давомийлигининг узайиши, чап бўлмачадаги ҳажм индекси ошиши ва эритроцитлар чўкиш тезлигининг (ЭЧТ) кўтарилиши кеч рецидив билан боғлиқ экани аниқланди (AUC = 0,83; сезгирлик – 75%; махсуслик – 86%; p = 0,000). Хулоса: РЧАдан кейин юқори СРО даражалари ва қандли диабет мавжудлиги БФ рецидивининг мустақил ва кучли предикторлари ҳисобланади. Шунингдек, БФнинг узоқ давом этиши, чап бўлмачадаги ҳажм катталашуви, ЭЧТ кўтарилиши ва эрта рецидив кеч рецидив ривожланишига ҳисса қўшади. Клиник ва биокимёвий кўрсаткичларни биргаликда баҳолаш индивидуал хавфни стратификация қилиш ва аблациядан кейинги бошқарувни такомиллаштириш имконини беради.
бўлмачалар фибрилляцияси, антиаритмик воситалар, радиочастотали аблация, кўр давр, эрта рецидив, кечки рецидив, предикторлар, C-реактив оқсил, қандли диабет
Metadata source: the journal's OAI-PMH archive · Sindex does not store the full text; it links to the source.