Вестник Ассоциации пульмонологов Центральной Азии Том 18 № 13 (2026) · с. 132-136
BACHADON BO‘YNI O‘SMASI OLDI HOLATLARI MAVJUD AYOLLARDAN OLINGAN BIOPSIYA MATERIALINING IMMUNOGISTOKIMYOVIY (KI-67.PDL-1) VA SITOMORFOLOGIK KO‘RSATKICHLARINI BAXOLASH
Nazarov B.B., Teshayev Sh.J.
Аннотация
Mazkur tadqiqot Bachadon bo‘yni saratoni rivojlanishining o‘sma oldi bosqichi hisoblangan bachadon bo‘yni displaziyasida sitomorfologik va immunogistokimyoviy o‘zgarishlarni kompleks baholashga bag‘ishlandi. Ishning maqsadi displaziya darajasi oshishi bilan hujayraviy atipiya belgilarining kuchayishi hamda proliferativ va immunoregulyator markerlar ekspressiyasi o‘rtasidagi o‘zaro bog‘liqlikni aniqlashdan iborat bo‘ldi.Sitomorfologik tahlil natijalariga ko‘ra, displaziya og‘irlashgan sari yadro-sitoplazmatik nisbatning ortishi, yadro giperxromiyasi, xromatinning geterogen taqsimlanishi, patologik mitozlar sonining ko‘payishi va hujayra polimorfizmining kuchayishi kuzatildi. Immunogistokimyoviy tekshiruvlarda Ki-67 markerining ekspressiyasi yengil displaziyada asosan bazal qatlam bilan cheklangan bo‘lsa, o‘rta va og‘ir darajalarda epiteliyning yuqori qatlamlarigacha tarqaldi, bu proliferativ faollikning izchil ortishini ko‘rsatdi.Shuningdek, PD-L1 ekspressiyasi o‘rta va og‘ir displaziya hamda boshlang‘ich o‘sma bosqichlarida yuqoriligi bilan tavsiflandi. Bu holat immun qochish mexanizmlarining faollashuvi va o‘smaviy transformatsiya jarayonida mikroatrof muhitdagi immun regulyatsiya o‘zgarishlarini tasdiqlaydi. Morfologik ko‘rsatkichlar bilan Ki-67 va PD-L1 ekspressiyasi o‘rtasida to‘g‘ridan-to‘g‘ri korrelyatsiya aniqlanib, ushbu markerlarni sitomorfologik tahlil bilan birgalikda qo‘llash bachadon bo‘yni o‘sma oldi holatlarini erta aniqlash, progressiya xavfini baholash va individual davolash taktikasini belgilashda yuqori diagnostik ahamiyatga ega ekanligi isbotlandi.
Bachadon bo‘yni displaziyasi; bachadon bo‘yni saratoni; sitomorfologiya; immunogistokimyo; Ki-67; PD-L1; proliferativ faollik; immun qochish mexanizmi; o‘sma oldi holat; prognostik markerlar
Источник метаданных: OAI-PMH архив журнала · Sindex не хранит полный текст, а даёт ссылку на источник.