Вестник Ассоциации пульмонологов Центральной Азии 18-jild 13-son (2026) · 150-155-betlar
ҚИШ МАВСУМИДА ЮРАК ИШЕМИК КАСАЛЛИГИ ОҚИБАТИДА ВАФОТ ЭТГАНЛАРДА МИОКАРДДАГИ МОРФОЛОГИК ЎЗГАРИШЛАРНИНГ ЎЗИГА ХОС ХУСУСИЯТЛАРИ
Нарзикулов У.З., Жўраев И.Ғ., Хасанжанова Ф.О., Санакулов Ж.М.
Annotatsiya
Мазкур мақола қиш мавсумида юрак ишемик касаллиги билан боғлиқ ҳолда вафот этган 42 нафар шахс миокардидаги морфологик ўзгаришларнинг ўзига хос хусусиятларини ўрганишга бағишланган. Суд-тиббий экспертиза материаллари асосида юракнинг макроскопик ва микроскопик кўрсаткичлари қиёсий таҳлил қилинди. Макроскопик текширувда юрак массасининг ортиши, чап қоринча деворининг қалинлашиши, камералар кенгайиши, миокард консистенциясининг хиралашиши ва интерстициал шиш элементларининг кўпайиши қайд этилди. Гистологик таҳлилда кардиомиоцитлар толаларининг дезорганизацияси, ядролар гипертрофияси ва гиперхромияси, мушаклараро масофанинг кенгайиши, периваскуляр тўлақонлик ва интерстициал шиш белгилари аниқланди. Айрим ҳолатларда фиброз элементлари ва сегментар дистрофик ўзгаришлар кузатилди. Олинган натижалар қиш фаслида периферик вазоконстрикция ва гемодинамик юклама ортиши фонида ишемик-дистрофик жараёнлар кучайишини кўрсатади.
юрак ишемик касаллиги, қиш мавсуми, миокард морфологияси, тўсатдан ўлим, суд-тиббий экспертиза, кардиомиоцит гипертрофияси, интерстициал шиш, периваскуляр тўлақонлик, фиброз.
Metadata manbasi: jurnal OAI-PMH arxivi · Sindex toʻliq matnni saqlamaydi, manbaga havola beradi.