Вестник Ассоциации пульмонологов Центральной Азии Volume 18 Issue 13 (2026) · pp. 220-223
РЕВМАТОИД АРТРИТ БИЛАН КАСАЛЛАНГАН БЕМОРЛАРДА МУШАК ЯЛЛИҒЛАНИШИНИНГ ИММУНОЛОГИК КЎРСАТКИЧЛАРИ
Ахмедов И.А., Шодикулова Г.З., Амриллаев У.
Abstract
Ревматоид артрит тизимли аутоиммун касаллик бўлиб, яллиғланиш жараёни нафақат бўғимларда, балки скелет мушакларида ҳам кечиши мумкин. Мушак тўқимасидаги аутоиммун яллиғланишни баҳолаш касалликнинг тизимли кечишини аниқлашда муҳим аҳамиятга эга. Мақсад: Ревматоид артрит билан касалланган беморларда мушак яллиғланишининг иммунологик кўрсаткичларини Jo-1 (гистидил-тРНК-синтетаза) га қарши аутоантителолар асосида баҳолаш ва уларни мушак кучининг функционал кўрсаткичлари билан солиштириб таҳлил қилиш. Материаллар ва усуллар: Тадқиқотга СамДТЎ кўп тармоқли клиникасининг ревматология бўлимида даволанаётган ревматоид артрит ташҳиси қўйилган 30 нафар бемор қон зардобида Jo-1 га қарши аутоантителолар иммунофермент таҳлил аниқланди. Мушак кучи 6 баллик шкала бўйича баҳоланди. Натижалар: Ревматоид артрит билан касалланган беморларнинг 96,67% да Jo-1 аутоантителолари мусбат аниқланди, назорат гуруҳида эса мазкур кўрсаткич қайд этилмади (p<0,05). Jo-1 мусбат беморларда мушак кучи кўрсаткичлари нисбатан паст бўлиб, ушбу ҳолат мушак тўқимасида аутоиммун яллиғланиш жараёнларининг функционал ҳолатга салбий таъсирини кўрсатди. Гуруҳлар ўртасида мушак кучи бўйича фарқ статистик жиҳатдан ишончли эмас эди (p>0,05). Хулоса. Ревматоид артрит билан касалланган беморларда Jo-1 аутоантителоларининг юқори частотада аниқланиши мушак тўқимасида аутоиммун яллиғланиш жараёнлари фаол кечаётганини кўрсатади. Jo-1 аутоантителолари ревматоид артритда мушак яллиғланишининг қўшимча иммунологик маркери сифатида клиник-амалий аҳамиятга эга.
ревматоид артрит, мушак яллиғланиши, Jo-1 аутоантителолари, иммунология, мушак кучи.
Metadata source: the journal's OAI-PMH archive · Sindex does not store the full text; it links to the source.