Вестник Ассоциации пульмонологов Центральной Азии 21-том 16-сан (2026) · 68-71-беттер
RADIAL KERATOTOMIYADAN KEYINGI BEMORLARDA INTRAOKULYAR LINZANI INDIVIDUAL TANLASHDA SHOH PARDA ABERRATSIYALARINING O‘RNI
Myakushkina R.R., Yusupov A.F.
Аннотация
Radial keratotomiyadan (RK) keyingi bemorlar katarakta jarrohligida murakkab klinik guruhni tashkil etadi. Bu holat shoh pardaning aberratsion profilidagi sezilarli o‘zgarishlar, optik parametrlarning beqarorligi hamda intraokulyar linza (IOL) tanlashdagi qiyinchiliklar bilan bog‘liq. Radial keratotomiyadan keyingi bemorlarda shoh pardaning aberratsion xususiyatlarini o‘rganish hamda ularning intraokulyar linzani shaxsga mos tanlashdagi ahamiyatini aniqlash. Tadqiqotga radial keratotomiyadan keyingi 19 nafar bemorning 28 ta ko‘zi kiritildi. Barcha bemorlarda standart oftalmologik tekshiruvlar bilan bir qatorda Pentacam AXL (OCULUS) qurilmasi yordamida Sheympflyug tomografiyasi va aberrometriya o‘tkazildi. Shoh pardaning sferik aberratsiyasi (SA), yuqori tartibli aberratsiyalar (HOA), koma, trefoil hamda asferiklik koeffitsienti ko‘rsatkichlari tahlil qilindi. Ko‘zlar sferik aberratsiya darajasiga qarab uch guruhga ajratildi. Yuqori tartibli aberratsiyalarning o‘rtacha qiymati 1,75±1,06 mkm, sferik aberratsiyaning o‘rtacha qiymati esa 0,74±0,58 mkm ni tashkil etdi. Sferik aberratsiya darajasi ortishi bilan HOA RMS, koma va trefoil ko‘rsatkichlarining izchil oshishi kuzatildi. Aberratsion profilning eng yaqqol o‘zgarishlari SA ko‘rsatkichi +0,60 mkm dan yuqori bo‘lgan bemorlarda aniqlandi. Radidial keratotomiyadan keyingi bemorlarda intraokulyar linzani shaxsga mos tanlashda shoh pardaning aberratsion profilini baholash muhim ahamiyat kasb etadi. Sferik aberratsiya va yuqori tartibli aberratsiyalarning yuqori ko‘rsatkichlari IOL optik dizaynini tanlashda individual yondashuvni talab qiladi.
Метадайындар булагы: журналдын OAI-PMH архиви · Sindex толук текстти сактабайт, булакка шилтеме берет.