Вестник Ассоциации пульмонологов Центральной Азии Volume 21 Issue 16 (2026) · pp. 86-91
ҚАБУЛ БЎЛИМИ ШАРОИТИДА ЎТКИР ВЕСТИБУЛЯР СИНДРОМЛАРНИ ВИДЕООКУЛОГРАФИЯ ВА МАШИНАЛИ ЎРГАНИШ АСОСИДА ДИФФЕРЕНЦИАЛ ТАШХИСЛАШ
Абдуллаева М.Б., Мамасидиқов А.Р.
Abstract
Қабул бўлимига ўткир вестибуляр синдром (ЎВС) билан касаллик бошланганидан сўнг дастлабки 72 соат ичида ётқизилган 140 нафар беморда видеоокулография (ВОГ) кўрсаткичлари асосида қурилган машинали ўқитиш (XGBoost) моделининг марказий ва периферик ЎВСни фарқлашдаги диагностик самарадорлиги баҳоланди. Барча беморларда юқори частотали ВОГ орқали 17 та миқдорий параметр аниқланиб, якуний ташхис такрорий диффузион-вазнли МРТ ва комплекс отоневрологик текширув натижалари асосида экспертлар томонидан верификация қилинди. Тадқиқотда 42 (30,0%) нафар беморда марказий, 98 (70,0%) нафар беморда периферик ОВС тасдиқланди. ВОГга асосланган машинали ўқитиш модели марказий ОВСни аниқлашда 92,9% сезувчанлик, 91,8% спецификлик ва AUC-ROC 0,96 кўрсаткичларга эришиб, HINTS синамаси ҳамда биринчи кунги МРТ натижаларига нисбатан ишончли даражада юқори самарадорликни намоён этди. Олинган натижалар мазкур ёндашув қабул бўлими шароитида инсультни эрта аниқлаш учун объектив, тезкор ва камхаражат диагностик восита сифатида клиник амалиётга жорий этилиши мумкинлигини кўрсатди.
Metadata source: the journal's OAI-PMH archive · Sindex does not store the full text; it links to the source.